غادة قالتلى انتى يا بنتى ايه حكايتك مع الكيمسترى
انهاردة اول يوم مع اخد فيه مع الرأس الكبيرة الصلعاء
فيه امتحان عادى جدا وايه يعنى انا مذاكرة بس اول صفحتين ف الشابتر التانى لااااااااا
وحلفت عليهم انى مش هفتحهم كتير كدة اوى يعنى هذاكرهم امتى دول
هو الوقت بيولد يا عالم
المهم
انا فعلا حاسة ان الكيمسترى دى فالها وحش عليا
انا انهاردة اول ما نزلت من العربية نازلة الدرس اتكعبلت وملحقتش نفسى رحت مندبه على الارض
والملزمة وقعت ف الطين والشارع اتلم عليا
والناس تتفرج وتقول خير خير بالراحة محصلش حاجة
وانا كنت بضحك على نفسى ضحك هيستيرى مش عارفة ليه والله يمكن بضحك على خيبتى
دى كمان عادى بتحصل كتير يعنى
دة شىء طبيعى ف ايام رمضان المفترجة انا بكون مهيسة وضايعة اخر حاجة
وجوه بقى دة كان عاااااااالم تانى خاااااالص
كنا كتييييييييير
والراجل اللى كان بيشرح بيتكلم بلغة اخرى تماما
هى مزيج بين اللغة العربية الفصحى والانجليش
حاجة كدة زى الفأر يُدعى راتون
والقطةُ تدعى كاتون
وانا المفروض افهم
بس فهمت يعنى الحمد لله
وهذا هو المطلوب ف ام المعمعة دى كلها
واصلا الراجل بيشرح بقالة 3 سعات وكان شكله خلاص هايولع فينا
وغادة بتقولى نفسى اعرف انتى كنتى بتضحكى على ايه
انتى الوحيدة اللى بتضحكى
انا اصلا كنت هاموت واضحك هو دة مكنش ضحك ولا ايييييه
الراجل كان كل كلامه ضايع و انا كمان اول مرة اشوفه
يالهوى ايه دة د انا نسيت اذاكر فرنش
شكلى بكرة هاتعلق
ربنا يستر
16 comments:
ربنا معاكى يا خالتى وكيمسترى البتاع دا ماله ادبى ماكان زى الفل وتمام جدا جدا بس مش مشكلة ربنا معاكى وبعدين ميقعش الا الشاطر ههههههههههه بس فى الطين وبعدين مي مين غادة
ويارب تتعلقى فى درس الفرنش يارب عشان مش بتذاكرى
ربنا يعينك
احترفت السقوط
ده انتى طلعتى متعودة بقى
فكرتينى بدرس الاحياء .. الله يقطعها ما تفرقش عن التاريخ الكيميائى بتاعك فى حاجة
ودخلت الدرس برضة مع واحدة بعد ما كان ضاع منى يونيت كامل وفضلت كده لحد اخر السنة ودخلت الامتحان من غيره
انا دلوقتى بقى شغالة حاجة تانية خااااالص غير الى درسته فى المدرسة وفى الجامعة
بالشفا ان شاء الله وبشرة خير
افطرى بس الاول واستهدى بالله
:)
ههههههههههههه
انتي حولتي علمي تاني
ما كان من الاول
منا قلتلك خدي كيميا من الاول
ع العموم لو عايزة حاجة في الكيميا انا ممكن اساعدك :-B
بس مش انصحك خالص اني اساعدك :D
ربنا معاكي يا رنا
وواحشاني اوى
"""مــلك"""
هى كده الكيما غدارة .. اللى بسقط فيها يحول أحياء
:))
يابنتى كده او كده هتقعدى زى ما احنا قعدين
ربنا معاكى
ههههههههههههههههههههه
يخرب عقلك على دى حكايه.....
بتفكرنى باختى(ماهى ثانوية عامة برضه)
عموما..انا جبت فى الكيميا دى 47واحب اقولك معومة مهمة
الثانوية العامة دى اكبر اكذوبة فى الحياة..كفاية تقنعى المدرس انك بتقولى كلام شبه كتاب الوزارة وهو حينبسط بيكى علطول -ايا كان الكلام الفاضى اللى بتقوليه- والمدرسين والمصححين كلهم طيبييييييييييييييييييييين قوى وبيصدقو اى حاجة
اسألينى انا..دانا مألف حديث شريف(ربنا يغفرلى)فى امتحان العربى وجبت 29من 30
عموما..كل ثانوية عامة وانت طيبة
ومنجلكيش فى حاجة وحشة ابدا
MohameD KhamiS
اهلا اهلا اول كومنت باسمك
يا سلااااااااااام احمدك يا رب
و ع الوقعة يلا يلا حلو مش وحش :D
والكيمسترى جاااااااامدة
elkamhawi
ربنا ما يجيب احتراف وحش كدة
منور :))))))))))))
بنوتة من وسط البلد
ايوة انا اخرى هافطر واستهدى بالله واقرا الفاتحة
ورنا حسن احمد عمرة تتمنى لكى افطارا مقبولا وصوما شهيا :)
ملووووووووووووووووووكة
اهلا بشباب كلية علوم
اكيد يعنى هالجالك امال هاروح لمين يعنى
بس اوعاكى تتصلى بيا تشمتى فيا :D
بس يلا مش مهم كفاية اللى ربنا عمله فيكى
هابقى انا وكليه علوم
:))))))))
dead man
انا ان شاء الله لو ربنا اراد انى اكمل
هاقضيها علمى رياضة وخلاص
امرى لله :D
طلال فيصل
اهلااااااااااان
اول مرة رجليك تاخدك وتيجى عندى
:)
خطوة عزيزة
ووالله انا عارفة انى عايزة اكذوبة عظييييييييييييييمة جدا
بس منور :))))))
هنننننننننننننند معلش ماخدتش بالى ارد الاول
هههههههههههههههههههه
بس يعنى هو انتى هاتقوليلى منا راسيه ع اللى فيها يا معلمة
انتي تاني
بس برضه قدها وقدود
انا ظني مايخيبش
انا واثق انك هاتنجحي فيها وبتفوق
مش عارف الثقه دي جايه منين بس اهو
تقريبا حظي كده
بالتوفيق
Post a Comment