عشان بس محدش يقول عليا نكدية وكئيبة واتمة ورخمة و عايزة قلمين
يااااااااااااااااااا بنى ادمين
على فكرة
انا مش فرحانة بس انا طااااااااااااااااايرة
سبحانك يا رب سبحانك فعلا يعنى امبارح كان مكتوب على وشى مخنوقة وحاسة ان فى حاجة محشورة ف زورى
دلوقتى يا سلاااااااااااام حوشى دموعك يا آمال (بحب الفيلم دة وملوش علاقة بالموضوع بس عادى بقى) انا مش قادرة اصدق ان النحس اتفك وانى خرجت لا بجد مش مصدقة هو انا خرجت ولا اضغاص ناس مخنوقة ومش طايقة نفسها
ايوة ايوة...ماما برا اهى وبتاكدلى انى خرجت من باب الشقة لسه راجعة حالا حالا يعنى مش هزار
روحت سيتى ستارز مع بنت خالى قعدت اتمشى لحد ما رجلى اتعورت من الساعة سابعة المغربية وانا بمشى على رجليا لحد ما ورمت
بس مع الخنقة والقرف والاكتئاب اللى كنت عايشاهم طول الاسبوع الفقيع دة
اكتشفت ان اليوم بتاع انهاردة احسن يوم مر عليا ف ام الشهر دة كله
كنت ماشية ابص ع الناس كانى ماشية ف وسط البلد ودة احساس بيجيلى كل ما اروح سيتى ستارز اصلا كل الناس هناك كل الجنسيات بحس ان مصر احُُُُُُُتلت يا جدعان
ولما جينا نروح بقى
روحنا مشى بنت خالى كانت عايزة تاخد تاكسى بس على مين
مع انى كنت تعبانة موت بس مفيش احلى من المشى كدة بالليل وانت عمال تكنسل على باباك ومامتك و منفضلهم خالص
بكل برود الدنيا كلها
وفضلنا نغنى ونضحك ونهيس ويا حنة يا حنة يا قطر الندا ويا سمباتيك خالص يا مهندم
حاجة اخر سمباتيك فعلا
انا حاسة انى مبعرفش اكتب وانا فرحانة اصلا لازم يكون فيه نكد وخنقة وناس امورة كدة ترخم عليك زى اخواتك الصغيرين كدة
انا شكلى كدة يا جماعة بدون علشان امسك نفسى متلبسة بالفرحة (ايه الهبل دة )مش مهم بقى
بالمناسبة الصورة عمولة يعنى موصيا حد يصورلى البحر وطلعت صور جامدة كدة
9 comments:
سبحان مغير الاحوال
خليتيني بس افتكر وابوح
يالا مش مهم
يارب تفضلي كده على طول
ومادام الخروج بيعمل فيكي كده ماترجعيش بيتكم وقضيها تسول
اهو هاتبقي بره طول عمرك
انا اول تعليق
yes i made it
مش قلتلك ايام وبتعدي
طلعت صح انا مش كده
انها هدايا السماء التي تأتيك بدون انتظار كقطعة حلوى وجدتها صغيرا في ملابسك ولا تدري حتى الان من وضعها لك..
وربنا يبسطك كمان وكمان وتكنسلي علي بابا وماما
:)
السعادة زائر لايدق الاجراس قبل اقتحامك
The purchase of weapons for Mubarak to the Bush terrorist will be for making peace, or will be for taking the American terrorism for the Egipto?
The great people of the Egipto that is intent.
Of these two cannot come nothing of good.
David Santos (Portuguese)
يارب دايماً
يا سمبتيك خالص يا مهندم
مين قال مبتعرفيش تكتبى وإنتى سعيده
لا بالعكس
لما تعيشى لحظات سعاده بتكتبى عنها أجمل وأحسن
تحياتى وتمنياتى بلحظات وأيام وسنين كلها سعاده وخروج وتهييس
Oi, achei teu blog pelo google tá bem interessante gostei desse post. Quando der dá uma passada pelo meu blog, é sobre camisetas personalizadas, mostra passo a passo como criar uma camiseta personalizada bem maneira. Se você quiser linkar meu blog no seu eu ficaria agradecido, até mais e sucesso.(If you speak English can see the version in English of the Camiseta Personalizada.If he will be possible add my blog in your blogroll I thankful, bye friend).
حاتم
sendbad
هوارى
احمد
علاء
ربنا يخليكو يا رب
الواحد بيكون نفسه ف حد يشارك فرحته زى حزنه بالظبط
:))))))))))))
Post a Comment