لا اعرف ماذا اقول...لا ادرى ماذا افعل...اريد قضم اظافرى وامى لا ترانى اذن...قشطااااط
بدات الاحظ اننى لا الجأ الى التدوين الا عندما اكون مكتئبة او يائسة او محبطة بشكل او باخر
لكنى سأفعل مثلما نصحنى صديق "المهم انك تكتبى وتطلعى اللى جواكى" وسحقا الى من يبحث عن علامة × ويغلق تلك النافذة فاذهب ربما تكون امك تبحث عنك الآن......مش مهم
نفسى احسب كام مرة رتبت فيها انى اخرج...ومخرجتش
اربع مرات مع بنات خالى
ومرتين مع ابويا
وانهاردة مع أيه صاحبتى
مع الاخذ ف الاعتبار ان دة حصل خلال سبع او تمن ايام
والغريب والحاجة اللى هاتجننى ان مش انا اللى بعتذر لا هما وهما كمان اللى بيقولوا يلا بينا نخرج مش انا اللى بقترح اساسا
انا مخنوقة و نفسى الاقى حد اعيط على كتفه ولما مقدرتش استحمل جيت وفتحت بوست جديد وادينى بكتب حالا
حسانى صعبانه على نفسى بقى يوصل بيا المدى انى اكتب على مدونة الحاجات اللى نفسى اقولها لحد يفهمنى
انا عارفة انى ممكن امسح البوست دة بس ان شالله يفضل ع المدونة ليلة واحدة بس
لان لو محدش سمعنى انا ممكن اطق او افرقع او اموت
ولانى جبت جاز فعلا و زهقت من انى ابعت سمايلز لاصحابى على الماسنجر على اساس انهم مش شايفنى انا مقدره اوى الانسان اللى اخترع حكايةappear offline
لانه ملجأ اى حد مخنوق ومش عايز حد يتخنق معاه لانهم صعبانين عليه
عشان انا بجد لما بتخنق بعدى اللى بيكلمنى
اينعم انا لسه مخنوقه بس ادينى فضفضت ان شالله مع كمبيوتر و مدونة وصوت فريوز فى الخلفيه رجعت الشتوية زعلى طول انا وياه
وكفاية كدة...بيقولو الشوكلاتة بتساعد على الفك من الخنقة...انا هاروح اجرب
9 comments:
الفضفضة مهمة جدا احيانا بتريح واحيانا برضه البكا بيريح
انما دايما لما تكوني مع فاهمك لازم ترتاحي كلنا بنمر بنفس الحالة
الملل القرف
الخنقة
ومش بنلاقي حد نتكلم معاه بس اقلك زي ما الست اصالة حبيبتي قالت
ايام وبتعدي
خلي بالك من نفسك
تحياتي
ده كلام برضه دا انت لسه ماكملتيش 16 واسبوعين
لا انتي كده محسوده
انا والله كنت لحد ساعه من دلوقت ف قمه القرف
عندي مشاكل ف البيت وخالي ف المستشفى بيعمل عمليه ف القلب وصاحبي الانتيم زعلان مني ومش عارف اصالحه ومقضيها مشاوير مع جوز اختي عشان عيد ميلاد ابنه والشركه اللي امتحنت فيها لسه مااتصلتش والجو قارفني وعاملي احباط ورافع ضغطي عشان كده بقالي يومين مش باقرا لحد يعني من الاخر مش عارف عايش ازاي بس سبحان الله وانا راجع شميت نسمه هوا وانا ماشي نستني كل اللي انا فيه
ايه ده هو مين اللي كاتب البوست ومين اللي عايز يفضفض
انا ايه اللي جابني هنا
جربس تشمي
هوا ف وسط جنينه بالليل
ليها مفعول السحر
عن تجربه
معلش بقى انتي اللي بدأتي
ان شاء الله وانتي بتقري الكومنت تبقي احسن
سلااااااااااااااااااام
في النهاية تبقي أنت الأقدر علي معالجة اكتئابك.. نعم هناك الأصدقاء وهم مهمين.. ولكن بدون مساعدة من قلبك سيظل الاكتئاب هو المسيطر وكل ما عداه هراء يزيده كاية
sendbad
مفيش حل للاكتئاب غير التهييس وانك ترمى عقلك خالص وتنسى
وزى ما اصاله حبيبتك قالت بقى :)))))
ولو
المدونة تحت امرك يا معلم فضفض براحتك ماتكتمش حاجة فقلبك وان شاء الله تعمل عيد ميلاد جامد عشان ابن اختك اللى انت خاله يعنى كل سنة وهو طيب وسلملى عليه وبوسهولى ف خده :))))))))
وانت بقى جربت انك تتشقلب على النجيلة بليل والندى مغطيها
احساس تانى مليان بالطينة لما تلزق ف هدومك
منور والله العظيم
dead man
انا بقى عملت بنصيحتك
انا انهاردة روحت سيتى ستارز ولسه راجعة رجعت مشى اصلا والباليرينا عورتنى وحوارات
بس نسيت كل دة وقعدت اغنى
غنيت بصوت عالى ف الاول اللى معايا قالو مجنونة بس بعد كدة غنوا معايا
مع انى مكنتش قادرة امشى اصلاااااااااا
ولغاية دلوقتىفرحانة جداااااااااا
جداااااااااااااااااااااااااا
جدااااااااااااااا
اوى يعنى
منور اخر حاجات والله :)))))))))))))))))))))))))))))
اها واول ما جيتي اتكلمنا ع الميل وقعدت اصدعك ب nudgu لغاية ما كرهتيني بس مش مشكلة المهم اني اما انزل كايرو بقي لازم ننزل ونتقابل واليومين مش يوم واحد وفضفاضي احسن لو كتمتي جواكي هطقي
اشوفك لما تبقي اون لاين بقي
يلا سلام
ملوكتى حبيبتى
ايه الانوار دى كلها
ايه الشرف دة كله لا وايه اول كومنت ف حياتها يا ناس
لازم اصلا يا بنتى دة واجب وطنى انى اشوفك اصلا
يا رب بقى تيجى
:))))))))
يابنتى طيب ما احنا اودامك ما تتكلمى وزى ما قولتى الخنقه مش بتفك غير بالتهيس واسال مجرب
Post a Comment