احب بنت البلد,والحب بهدلنى
ومن بروج الادب والفن نزلنى
احب عوجة,لئيمه,اشتكى لله
من غلبى منها,وتشتكى غلبها منى
****
جاهله...اذا اتفرجت فى جنينة حيوان
!!تقول ع النمر قطة و الوعول خرفان
وتقول ع البنك سيما والبلوز فستان
لكن يصيبنى البكم لما تجادلنى
****
جبانه...تصرخ من النمله بعزم الصوت
والبرص...يطلع عليها عزرائيل الموت
لكن يفوت رمش عنيها فى فؤادى فوت
ان كنت ميت قتيل,هوه اللى قاتلنى!
****
راكبه ع الكارو تتسامر مع حمار
والشمس فوق جسمها تشعل وتقدح نار
ولما يوم ينتظرها ابن ذوات ببكار
!تقول له روح على امك وابقى قابلنى
****
احب بنت البلد من فرط خفتها
هوليوود على بدعها ما تجيبش عصبتها
ولا بنات لندره تتلف لفتها
!آدى اللى جاب لى البلا...آدى اللى هابلنى
بيرم التونسى
8 comments:
يقطع الحب وسنينه
هو اللي بيخلي شمشون زي الارنب
بس بنت البلد تستاهل
خفه وادب وهطل وغبى
كوكتيل مواصفات
ربنا يقدرنا عليهم
اختيار اكتر من رائع
تحياتي
انا الاول
yes
i made it
yes i made it :D
طبعا يا بنى مين يقدر ع العيوم السمرا الدوبلى المتكحلين بكحلا عربيا اصيلا
وان كانت عنيا عاملة زى التشينيز بس مايمنعش برده
ربنا يقدرك علينا يا معلم :D
حلو قوي انا بجد نفسي اشتري جلبيه من دول ممكن؟
رشا
انا كان عندى ملاية لف من بتاعة زمان بس خدوها منى وانا نايمة يلا مش مشكلة ادوها لواحده غلبانة عشان تتدفى بيها ف الشتا اصلا كانت تقيلة اوى
والجلابيات لو عرفت اجيب واحدة هاجيبلك معايا :))))))))
لا طبعا ، واكتم ليه ؟
تحياتي الاول ـ والتاني ، ألف مبروك على المدونة ومرحبا بك في عالم التدوين.
والتالت ، ورغم ان فيه مواضيع استجدت في البلوج بعد بحبك يا بنت البلد ، الا اني رايت ان يكون اول تعليق لي بمدونتك الكريمة ـ هنا على الموضوع دا.
فقد رأيت انك تستحقي التحية على كونك شعرتي انها عمل جميل حتى تقرري ادراجة بدونتك ، كما اود الشكر.
يا مصر
اولا ربنا يبارك فيك
ثانيا يا مرحب بيك منورة باصحابها يا فندم
ثالثا اشكرك ع الاهتمام
رابعا ربنا يكرك يا رب
:))))))))))))))))
دى اول زيارة لمدونتك
بجد لذيذة زيك
اما اختيارك لعمنا بيرم
فأنا أرفع لك القبعة احتراما
تحياتي
وظيفة جيدة جدا.
Post a Comment