كمال الشاذلى:الوزير السابق والقيادى فى الحزب الوطنى
كمال الشاذلى:نائب مجلس الشعب عن منطقة الباجور لمدة اربعين عاما بلا منازع وحش
كمال الشاذلى:وزير مجلسى الشعب والشورى (السابق) والامين العام المساعد بالحزب الوطنى
كمال الشاذلى:الامين العام المساعد للحزب ووزير شئون مجلس الشعب(سابقا)وامين التنظيم
كمال الشاذلى:مشرفا على المجالس القومية المتخصصة
كمال الشاذلى:رمزا من الرموز القوية ف الحزب الوطنى
اول ما قد يتبادر الى ذهنك المتعب هو ياااااااااااااااااااه الراجل دة سوبر مان ولا ايه او هكذا يعنى تبادر الى ذهنى انا
واكثر شىء تعبنى نفسانيا هو ان الرجل رغم سنه الكبيرة فظهره ينوء باعباء ثقيلة وخطيره وغريبة ف نفس الوقت ولعلنى تسائلت هو فيه حاجة اسمها وزير مجلسى الشعب والشورى ولذلك اول شىء قفز الى رأسى ان الحكومة اخترعت المنصب وان فلوسها كتيرة عموما الله اعلم ...لكننى من كتر الفرسة كدت اصيح"هو يا اخواتى عايزين يمسكوه منصب وخلاص".....بما ان الرجل خلاص بقى وزير سابق ورحلوه من الوزارة فلا داعى لحاجات تودى فداهية ربنا يستر يعنى لكن
يبقى اكثر شىء يثير الدهشة والجنان والهرية والنكتة فروحى كيف يعقل ان هذا الرجل الوقور بقاله 40 سنة نائبا للباجور حقا ذلك يثير الريبة ويجعلك تشك فى كفاءة اهل الباجور اللذين يسلموا امرهم لله وينتخبوا السيد كمال الشاذلى لمدة اربعين عاما ربما هو اهل للثقة عموما الله وباجوره اعلم
كما انه تنامى الى من كام يوم فقط والخبر جديد ان كمال الشاذلى حصل موخرا على ادراج اسمه فى لائحة موسوعة جينيس العالمية و ذلك لما ذكر قبلا وهاذكره تانى .....باختصار شديد لانه الشخص الوحيد ف العالم اجمع الذى استوطن مجلس شعب لمدة اربعين عاما متواصل بلا انقطاع يعنى شغاااااااااااااااااااااااال
ومن هنا ارفع عقيرتى بالهتاف الى ذاك الرجل الكبارة اللى رافع راسنا دايما وذاكر اسم مصر ف كل المواسيع العالمية
ربنا يديله الصحة
12 comments:
rbna yedelo else7a ..w ya5do b3deeha 3shan mayl72sh yefra7 :))
بصي انا مش هاتكلم كتير وكلمه ابرك من 100
الراجل ده دليل وعمود من اعمده الفساد ف مصر ولو تعرفي حد من دايرته اسأليه بينجح ازاي
ده دايرته دي بقت دوله غير الدوله وهو ده اللي خلاه طار من الكرسي اللي استوطنه سنين طويله
كمان عايز اقولك ان السبب الوحيد اللي خلاه يفضل وزير انه كان بيحبط اي نوع من انواع الحساب او المساءله ف سيد قراره وكان عامل ضغط كبير على قوى المعارضه وبعد ما الحكومه استحوذت على مجلس الشعب خلاص اتخلصوا منه والله اعلم
انا عن نفسي مش كنت باطيق حاجه اسمها كمال الشاذلي
ومازلت
مش هاكتم حاجة في قلبي ولكن بما ان الصمت بيكون كثيرا جدا ابلغ من الكلام فانا ساتذان منك واسمحي لي ان اصمت والمعني في بطن الشاعر
تحياتي
كلمة
ااااااااامين يسمع منك ربنا ويكون ابواب السما مفتوحة يا رب
اهلا
هههههههههههههههه
ربنا يجعل كلامنا خفيف عليهم
كمان سيد قراره دلوقتى بيعيش اسوء حالاته حتى مع خروج المدعو كمال الشاذلى
ربنا ع المفترى بقى
سندباد
لا
لا احد يصمت فى تلك المدونة السنكوحة
لكنى اعذرك يا بنى ف الصمت حليفك ولا مفر
منور
احم...احمم ، يا أهل الله يا اللي هنا ، يا ساتر ، احم احم ، يا تري الأستاذة اللي كاتبة الموضوع اللي فوق ده موجوده؟ أنا بس كنت عايز أبلغها سلامي وتحياتي ، وربنا يوفق الجميع.
بجد بقي ...سعدت جدا بهذا التعرف المبدئي و لعله مجرد بداية
أحمد
ما تسيبوا الناس تاكل عيش
انتى مش عاجبك ان الراجل بيشتغل وزير
ده اصلا بياخد مرتب وزيرين وزير مجلس الشعب ووزير مجلس الشورى بما انه راجل عبقري مسكوت الاتنين مع بعض توفير يعني مش فلوس كتيرة يعني ولا حاجة
يااااااه على الانسان بتبصوا للناس في لقمة عيشها
ربنا اعلم بظروفه عم الحاج كمال ده راجل شقيان
احمد
اييييييييييييييييوة
مين بيسال عنى
قوليله موجودة يا صفاء(صفاء دى سكرتيرتى المستقبلية) ايوة يا فندم احنا هنا اهو :))))
يا سلااااااااااام
اكيد طبعا انا كمان سعدت اسعادا كبيرا بسعادتك لمعرفتى
دة انت من ريحة الحبايب يعنى
يا ريتها تكون مبدئية :)))))))
نورت بلوجى السنكوح
عب رحمان
ياااااااااااااااه
شوف يا اخى حقد العالم
الراجل شقيان وتعبان ومهدود حيله
واحنا نيجى هنا ف المدونات نكمل عليه
عوذ بالله
نورت يا باشا :)))))
على رأيك الراجل ده شغااااااااااال
راجل خبره ولازم نستفيد من الخبرات اللى ذى دى
مفيش فى العالم غير كمال شاذلى واحد فى مصر بس
ما انتى عارفه مصر ولاده
اعوذ بالله من الحاقدين هل يعقل ان دائرة كامله تعطى ثقتها لشخص لمده اربعين عاما دون ان تكون هذه الثقة فى محلها واللى بيقول اسألوا اهل دائرته عن كيفيه نجاحه فى الأنتخابات فأنا منهم والأنتخابات تتم بدون تدخل من احد لأن اهل الدائرة يحبوه جدا وعطوه اصواتهم لأنه حريص على مصالحهم وهذا ليس بالكلام بل بالفعل وطبعا شخص مثله له هذا النصيب الهائل من النجاح لا بد وان يكون له حاقدين واعداء وكارهون مثل كاتبة المقاله
Post a Comment